පාර්ලිමේන්තුවේ පැවැති ජනපතිවරයකු තෝරා පත් කර ගැනීම සඳහා පැවැති ඡන්ද විමසීමෙන් පසුව මෙරට අටවන විධායක ජනපතිවරයා ලෙස පත්වූ රනිල් වික්‍රමසිංහ පාර්ලිමේන්තු කටයුතු අවසන්ව ඉන් ඉවතට යාමේදී ප්‍රථමයෙන් හමුවූයේ පාර්ලිමේන්තු පාරේ රාජකාරියේ නිරතව සිටි හමුදා නිළධාරීන්ය.
මේ සිදුවීම රාජපක්ෂවාදී මාධ්‍යය වාර්තා කරන ලද්දේ රනිල් වික්‍රමසිංහ යුද හමුදාව කෙරෙහි තබා ඇති විශ්වාසයට සුබ පතමිනි. එය පවතින රජයට එරෙහිව විරෝධතා පවත්වන ජනතාවට අනියමින් කළ තර්ජනයක් සේ සැළකිය හැකිය. මරණ බයෙන් සැඟවී සිටින පොදු ජන පෙරමුණේ දේශපාලඥයන්ට මෙය ආස්වාදයක් ගෙන දෙන්නක් වූ බවද නිසැකය. රනිල් වික්‍රමසිංහ යොදවා ජනතාවට එරෙහිව හමුදාව මෙහෙයවීම රාජපක්ෂවරුන්ගේ සැළසුම බව දැන් හොඳටම පැහැදිලිය.
ජනපති වික්‍රමසිංහට ඇතිවූ මෙම හමුදා ප්‍රේමය අකලංක නිර්ව්‍යාජද යන්න ගැන අපට නම් ඇත්තේ බරපතල සැකයකි. මෙරට පවතින දේශපාලන බල ආරවුල තුළ රාජපක්ෂ පාර්ශවයේ ආරක්ෂාව හා සිය තක්කඩි පැවැත්ම තහවුරු කර ගත හැක්කේ ආරක්ෂක හමුදා තමා ගැන තබන විශ්වාසය තුළ පමනක් බව ජනපති රනිල් වික්‍රමසිංහ දනී. අප එසේ කියන්නේ රනිල් වික්‍රමසිංහගේ මෙන් සැබෑ ස්වරූපය අප දන්නා නිසාය. උද්දච්ච ගති ගුණ වලින් පිරුණු රනිල් වික්‍රමසිංහගේ ස්වභාවය වන්නේ සිය ප්‍රතිවාදියා මතවාදීව දිනා ගත නොහැකි වූ අවස්ථා වලදී අපහාසාත්මක ප්‍රකාශනයන් මගින් ඔහු අපහසුතාවට පත් කිරීමය. විටෙක ඔහු ඉමිටියාස් බාකීර් මාකර් හැඳින් වූයේ දේශපාලඥයෙකුට නොගැලපෙන ආකාරයෙන් රැවුල වවා සිටින්නෙක් ලෙසය. පොත් ගුල්ලෙකු යැයි සමාජගතව තිබෙන රනිල් වික්‍රමසිංහ මුසල්මානුවන්ට රැවුල ආභරනයක් බව නොදැනීම තුළ ඔහුගේ කියවීම කවර ආකාරයේ කියවීමක්ද යන්න වටහා ගන්නට පුළුවන. මෑතකදී පාර්ලිමේන්තුවේදී ජනතා විමුක්ති පෙරමුණේ නායක අනුර කුමාර දිසානාායක අපහසුතාවට පත් වන ආකාරයෙන් රනිල් වික්‍රමසිංහ අදහස් දැක්වීමෙන් පසුව එයට ප්‍රතිචාර දැක්වූ ජවිපෙ නායකයාගෙන් බඩ කට පුරා අසා ගත්තේය. ජවිපෙ නායකයා රනිල් වික්‍රමසිංහගේ දේශපාලනයේ හැව ගලවමින් ඒ කෙරුවාව පතුරු ගසද්දී ඔහුට කට උත්තර නැති විය.
රනිල් වික්‍රමසිංහ යනු තමන් වැඩකාරයෙක් යැයි සිතා ගෙන කටයුතු කරන උපන් ගෙයි උද්දච්ච මෝල් ගහකි. මහ පොළොවේ දේශපාලනය ගැන අ යන්න නොදන්නා රනිල් වික්‍රමසිංහ හිතන්නේද පතන්නේද මෙරට ජීවත් වන වුන් රෝයල් පන්තියට යටත් පහත්ව ජීවත් වන්නන් විදියටය. මහජන විරෝධතාවන් රනිල් වික්‍රමසිංහට ඇලජික්ය. තම සුපිරි පන්තිය හැරුන විට වෙනත් අයවළුන් හා ගනුදෙනු කරන්නට පණ්ඩක රනිල් වික්‍රමසිංහ අකමැතිය. තමන්ගේ පන්තියේ නොවන තමන් හා සමීපයේ සිටින්නන් පිළිබඳව රනිල් වික්‍රමසිංහගේ රෙකමදාරුව පවතින්නේ වෘත්තිමය මෙහෙකරුවන් ලෙසය. මහින්ද රාජපක්ෂගේ මෙන් බඩ බැඳ ගත් මහජන සම්බන්ධීකරණ දේශපාලනයක් රනිල්ට නැත. තම පන්තියේ එකෙකුට හැර අනෙකුකට රනිල් අතට අත දෙන්නේද නැත.
රනිල් වික්‍රමසිංහ අධ්‍යාපන අමාත්‍යවරයා ලෙස කටයුතු කරද්දී ඔහුගේ ශරීර ආරක්ෂක නිළධාරියා වූයේ කමාන්ඩෝ රෙජිමෙන්තුවේ ලුතිනන් රනිල් විමලසූරිය වේ. මේ තරුණ ලුතිනන්වරයා පසු කාලයකදී එල්ටීටී ප්‍රහාරයකින් කට්ට පරිච්චාන් වලදී මිය ගියේය. උතුරු නැගෙනහිර පැවැති යුද්ධයේදී කමාන්ඩෝ රෙජිමෙන්තුවට අයත් කමාන්ඩෝ සෙබළුන් හැත්තෑවකට ආසන්න සංඛ්‍යාවක් ප්‍රහාරයකදී මිය ගියේ මේ කට්ටපරිච්චාන් මෙහෙයුමේදීය.
මෙම මෙහෙයුම සිදු කරන ලද්දේ කර්නල් පුෂ්පසිරි හඳපාන්ගොඩය. අද කැලිෆෝනියාවේ තිබෙන ගෝඨාභය රාජපක්ෂගේ දේපොල වල කළමනාකරු ලෙස කටයුතු කරන්නේ මේ කර්නල් වරයාය. මොහුද ගෝඨාභය රාජපක්ෂ මෙන් මෝඩ වහංගතයකි. කමාන්ඩෝ සෙබළුන් විශාල සංඛ්‍යාවකගේ ජීවිත ත්‍රස්තයන්ට බිලිදීමෙන් පසුව හා මෙහෙයුමකදී මන්නාරම ප්‍රදේශයේ එල්ටීටී ආයුද තොගයක් අල්ලා ගත් බවට ප්‍රචාරාත්මක සංදර්ශනයක් පැවැත්වූ මෙම කර්නල් වරයාට ඇමරිකාවට පලා යන ලදී. ඔහු හමුදාවෙන් එසේ පලා ගියේ මන්නාරමදී මෙහෙයුමක් කොට අල්ලා ගන්නා බවට ඇඟවූ ආයුද තොගය ගනේමුල්ල කඳවුරෙන් එම ස්ථානයට ගෙන ගිය ආයුද බව අනාවරණය වීමෙන් පසුවය.
කට්ටපරිච්චාන් මෙහෙයුමේදී මියගිය ලුතිනන් අනිල් විමලසූරිය නම් තරුණ නිළධාරියා අවිවාහකයෙක් විය. ඔහු මිය යන විටදී ඔහුගේ වැටුපෙන් බැංකු ණය මුදලක් ලබා ගෙන තිබුණ අතර ඒ නිසා වැටුප සියයට හතලිහේ සීමාවේ පැවතුනි. මෙම නිළධාරියා මිය යාමෙන් පසුව එම වැටුප ඔහුගේ පියාට හිමි විය. ලුතිනන් අනිල් විමලසූරිය දුප්පත් පවුලක තරුණයකුද විය. ඔහු හදිසියේ මිය යාමෙන් පසුව ඔහුගේ පියා විසින් ඔහු විසින් ලබා ගෙන තිබූ ණය මුදල අය නොකර ගන්නා ලෙසට බැංකුවෙන් ඉල්ලීමක් කළද බැංකුව එය ප්‍රතික්ශේප කරන ලදී. ඉන්පසු ලුතිනන්වරයාගේ පියා කමාන්ඩෝ රෙජිමෙන්තුවේ බලධාරීන් වෙත මෙම දුක් ගැනවිල්ල ඉදිරිපත් කරන ලදී. කමාන්ඩෝ රෙජිමෙන්තු බලධරයන් මේ දුක්ගැනවිල්ල පිළිබඳව අවධානය යොමු කළ අතර එය සම්බන්ධීකරණය කිරීමට කපිතාන් නටරාජාට පැවරිණි. කපිතාන් නටරාජාට මේ ප්‍රශ්ණය විසඳාගැනීමට දේශපාලන සහායක් අවශ්‍ය බවට තේරුම් ගිය බැවින් ලුතිනන් රනිල් විමලසූරිය ආරක්ෂාව සැලසූ අමාත්‍ය රනිල් වික්‍රමසිංහ හමුවීමට බටලන්ද ඔහුගේ කාර්යාලයට ගියේය.එහිදී අමාත්‍ය රනිල් වික්‍රමසිංහ හමුවූ කපිතාන් නටරාජා විසින් මියගිය තරුණ කමාන්ඩෝ නිළධාරියා ගත් බැංකු ණය නොසලකා හරින ලෙසට බැංකුවට උපදෙස් දෙන්නේ නම් එය අසරණව සිටින ඔහුගේ පියාට මහත් සහනයක් බවට දැනුවත් කෙරිණි.
අමාත්‍ය රනිල් වික්‍රමසිංහ ගත් කටටම කපිතාන් නටරාජාට පැවසුවේ මෙපමණය.
“..අයිසෙ මැරුණ එකා මැරුණ. එයා ගැන කිව්ව කියල බැංකුව ණය සහන දෙන්නෑ. එයා මැරුණත් ඒකාගෙ තාත්තට වැටුප ලැබෙනවනේ ඒකෙන් ඒ ණය වාරික අය කර ගනියි. තමුන්ට ඒ ගැන තියෙන අමාරුව මොකද්ද අයිසෙ…”
ඒ වචන ටික උද්දච්චව ප්‍රකාශ කළ අමාත්‍ය රනිල් වික්‍රමසිංහ ඉන් පිටව ගියේ සිය ශරීර ආරක්ෂකයාව සිටි හමුදා නිළධාරියා ගැන තඹ දොයිතුවක වටිනාකමක් ඉතිරි නොකරමිනි. අද කපිතාන් නටරාජා මිය ගොසිනි. එහෙත් ඔහු සමග ගිය අනෙක් නිළධාරියා තවමත් ජීවතුන් අතරය. මේ සැබෑ තොරතුරු අපට දුන්නේ විදේශගතව ඉන්නා ඒ විශ්‍රාමික හමුදා නිළධාරියා බව ඔහුට ගෞරවයක් වශයෙන් අපි ලියා තබමු.
දැන් හමුදාවට ප්‍රේම කරන්න ගෙන ඇත්තේ මේ එදා බටලන්ද සිටි රනිල් වික්‍රමසිංහය. රනිල් වික්‍රමසිංහට හමුදාව සමග අළුතෙන් ඇතිවී තිබෙන මේ අපූරු ඇගෑළුම් කම අපට නම් තිබෙන්නේ හාස්‍යජනක හැඟීමකි.
කෙසේ වෙතත් රනිල් වික්‍රමසිංහගේ හමුදා ප්‍රේමය ගැන හොඳ දැනුම් තේරුම් ඇතුව රාජකාරි කරන ලෙස අප හමුදා නිළධාරීන්ගෙන් ඉල්ලමු. ඒ මන්දයත් හමුදා රාජකාරියකදී යම් ශෝකජනක සිදුවීමක් සිඳුවුව හොත් “මැරුණ එකා මැරුණ අයිසේ” යැයි කියන්නට ජනපති රනිල් වික්‍රමසිංහ නොපසුබට නොවන බව අප ඉන්තේරුවෙන්ම දන්නා නිසාය.
