දකුණු පලාත බාර ඡ්‍යෙෂ්ඨ නියෝජ්‍ය පොලිස්පති බල ප්‍රදේ්ශයට අයත් ඇල්පිටිය ඡ්‍යෙෂ්ඨ පොලිස් අධිකාරී බල ප්‍රදේශයේ අම්බලන්ගොඩ හා අහුංගල්ල පොලිස් ස්ථාන වල රාජකාරියට යටත් ප්‍රදේශ කිහිපයක නීති විරෝධී බූරු පිටි මංකොල්ල කෑම් ගනනාවක් සිදුවී ඇතැයි වාර්තා වේ.
මෙම බූරු පිටි මංකොල්ලය දැනට බන්ධනාගාර ගතව සිටින පාතාල අපරාද වලට සම්බන්ධයැයි පැවසෙන ලැසී විසින් මෙහෙයවන බවත් එම මංකොල්ලයට සම්බන්ධ කණ්ඩායම පාතාල ක්‍රියාකාරකම් වලට විවිධ ආකාරයේ අපරාද චෝදනා ලැබ ඇප පිට මුදාහරින අයවළුන් බවද දැන ගැන්මට තිබේ.
නීති විරෝධී බූරු පිටි පවත්වාගෙන යන තැනැත්තකු ප්‍රකාශ කළ ආකාරයට මේ මංකොල්ල කණ්ඩායමට සම්බන්ධ පාතාල ක්‍රියාකාරිකයන් සමග අම්බලන්ගොඩ පොලිස් ස්ථානයේ අපරාද අංශයේ ස්ථානාධිපතිවරයා සමීප සම්බන්ධකම් පවත්වන අතර අම්බලන්ගොඩ පොලිස් ස්ථානයේ මුලස්ථාන පොලිස් පරීක්ෂකවරයාද මේ ගැන දැනුවත් බවද පැවැසේ. අපරාද අංශයේ ස්ථානාධිපතිවරයාගේ බිරිඳ රක්ෂණ සමාගමක නියෝජිතවරියක ලෙස කටයුතු කරන බවත් යම් යම් අපරාද වලට අත් අඩංගුවන්ට ගන්නන් ඔහුගේ බිරිඳගේ රක්ෂණ වැඩ පිළිවෙළට සම්බන්ධ වන්නේ නම් එම අපරාද චෝදනාවන්ට සහන සලසා දෙන බවද කියවේ.
කෙසේ වෙතත් අම්බලන්ගොඩ සහකාර පොලිස් අධිකාරීවරයා විසින් පොලිස් ස්ථානයේ දැනට අපරාද අංශයේ හා රථ වාහන අංශයේ සේවය කරමින් විවිධ විෂමාචාර කටයුතු කරන ලදැයි පැමිණිලි ලැබී ඇති පොලිස් නිළධාරීන් අට දෙනෙකු එම අංශ වලින් මාරු කොට වෙනත් අංශ වලට යොමු කරන ලෙසට උපදෙස් දී ඇතත් එය මෙතෙක් ක්‍රියාත්මක කොට නැති බවද එස්අයිඑස් බුද්ධි වාර්තා වල දැක්වේ.
අම්බලන්ගොඩ පොලිස් ස්ථානයේ රථවාහන අංශයේ ස්ථානාධිපති එකම පොලිස් ස්ථානයේ අවුරුදු හයකට ආසන්න කාලයක් සේවය කරමින් පොලිස් දෙපාර්තමේන්තුව තුළ වාර්තාවක් පිහිටුවීමට නියමිතය. මෑතකදී යම් පුද්ගලයකු ගේ හිස ගෙලෙන් වෙන් කර එම ලේ තැවරුණ පිහිය අතැතිව දිව ගිය අපරාධකරු අම්බලන්ගොඩ පොලිස් ස්ථානයේ රථවාහන අංශයේ යතුරු පැදි රාජකාරියේ නිරත පොලිස් නිළධාරීන් දෙදෙනෙකුට මුණ ගැසී තිබේ. එම අපරාද කරුගෙන් රුපියල් පන්දාහක් රැගෙන ඔහු මුදාහැරීමට එම රථවාහන අංශ පොලිස් නිළධාරීන් කටයුතු කර ඇති බවද අපරාදය සිදුවූ ප්‍රදේශවාසීන් චෝදනා කර සිටී.
අම්බලන්ගොඩ පොලිස් ස්ථානයේ මූලස්ථාන පොලිස් පරීක්ෂකවරයා බලපිටිය පොදු ජන පෙරමුනු සංවිධායක වරයාගේ නිර්දේශයෙන් එම පත්වීම ලබා ගත් නිළධාරියෙකි.මොහු දීර්ඝ කාලයක් පොලිස් ගරාජයේ සේවය කර ඇති නිළධාරියෙක් වන අතර නීතිය පිළිබදව කිසිදු දැනුමක් අවබෝධයක් නැත්තෙක් බව අනාවරණ වී තිබේ. පොලිස් ස්ථානයට පැමිණෙන මහජනතාවට පහත් භාෂාවෙන් අමතන මොහු තර්ජනාත්මකව පැමිණිලි විභාග කරන අයෙක් බව ප්‍රචලිතය.]
කොස්ගොඩ පොලීසියේ ස්ථානාධිපතිවරයා හෙරෝයින් ජාවාරම් කරුවන් සමග සමීප සම්බන්ධතා පවත්වන අයෙකු බවත් එම ජාවාරම් වලට ඔහු සම්බන්ධ බවද අනාවරණය වේ. කෙසේ වෙතත් ඔහුගේ බිරිඳ පානදුරයේ සිටි ලියාපදිංචි අපරාධකරුවකු වන හා ප්‍රසිද්ධ ස්ත්‍රී දූෂකයකු වන විසකොඩි නැමැත්තාගේ දියණියයි. මෑතකදී වෙලේසුදාගේ ගෝලයකු වන පොලිස් නිළධාරියකු කොස්ගොඩ පොලීසිය තුළදී අත් අඩංගුවට ගැනීමට යාමේදී අත් අඩංගුවෙන් මිදී පලා ගිය බවද වාර්තා විය. මෙම ජාවාරම්කාර පොලිස් නිළධාරියා ස්ථානාධිපතිගේ සමීපතමයකු බවද දැනැ ගැන්මට තිබේ. කෙසේ වෙතත් අම්බලන්ගොඩ අහුංගල්ල හා කොස්ගොඩ පොලිස් ස්ථාන මේ වන විට ලාභ ලබාගැනීමේ ව්‍යාපාර ලෙස පවත්වා ගෙන යන සීමිත සමාගම් බව ප්‍රදේශවාසීන් පවසා සිටී.
