මේ වනවිට විදේශ රටවලින් සහ ආයතනවලින් පරිත්‍යාග්‍ය ලෙසින් ලැබෙන ඖෂධ වර්ග පිළිබඳව ප්‍රමිතිය පරීක්ෂා කිරීම අනිවාර්යයෙන් කළ යුතු බව සෞඛ්‍ය විශේෂඥයෝ පෙන්වා දෙති.
කල් ඉකුව්මීට ආසන්න හෝ ප්‍රමිතියට නොමැති ඖෂධ මෙසේ ලැබෙන බවත් ඒවා පිළිබඳව නිසි පරීක්ෂණයකින් තොරව හුදෙක් ම ඖෂධ හිඟය මඟහරවා ගැනීම සඳහා රෝහල්වලට නිකුත් කිරීමේ තත්වයක් පවතින බවත් අනාවරණය වී ඇත. මේ පිළිබඳව රෝහල් ගණනාවකින් තොරතුරු හෙළිවී ඇති අතර ආණ්ඩුව එම තොරතුරු සඟවන බවට චෝදනා එල්ලවී තිබේ.
විශේෂයෙන්ම ඉන්දීය ණය පහසුකම් යටතේ ලබා දෙන ඖෂධ බරපතළ ගැටළුකාරී තත්වයන් මතුකර තිබේ. මෙයට පෙර ද ඉන්දිියාවෙන් මිලදී ගත් ඖෂධවල ප්‍රමිතිය පිළිබඳව ගැටළු මතුවී තිබිණි.
