ගම්පහ උඩුගම්පොළ ජීවත් වූ ජේමිස් රජ්ජුරුවෝ ගැන දැන් ගම්පහ ජීවත්වන අයවළුන් නොදන්නා බව අපට විශ්වාසය. ගම්පහ ජේමිස් රජ්ජුරුවෝ ඒ දවස්වල ගම්පහ හොද කැරැට්ටුවකි.ඔහු රජ්ජුරුවෝ වූයේ ගම්පහ උඩුගම්පොළ පෙන්වූ නාඩගම් වලට රජාට ඇන්ද නිසාය. ජේමිස් රජා නොම්මර එකේ බූරු පිටි හිමියෙකි. මුදල් වලට ඔට්ටු ඇල්ලූ කුකුළන් කෙටවූ අයෙකි. මේ බූරු පිටි වල බූරු ගසා ජය ගෙන යහතින් ගෙදර යන්නට හිතුවානම් ඒක කවදාවත් වෙන්නේ නැති වැඩක් විය. බූරු පිටියෙන් හෝ කුකුළු කෙටවීමේ සූදු වලින් දිනා ගත් එකා අතරමගදී මංකොල්ල කෑමට ජේමිස් රජා තම හෙංචයින් කල්ලිය යොදා ගෙන තිබුණි. ජේමිස් රජා යමක් කමක් හම්බ කර ගත්තේ ඔහොමය.ගම්පහ පොදුජන පෙරමුණු මන්ත්‍රී ප්‍රසන්න රණතුංග මේ ජේමිස් රජාගෙ මුණුබුරාය. අපරාදේ කියන්න බැරිය. මුණුබුරාටත් පිහිටා ඇත්තේ ජේමිස් සීයාගේම කෂඩ ගතිගුණය. තමන් පදිංචි නිවසට බෝලයක් එව්වා යැයි කියන සිදුවීමකට ප්‍රසන්න රණතුංග පොඩි කොල්ලෙකු ගේ අත පය කඩා වද දී තිබුණේ දේශපාලනයට ආ දවස්වලමය. අනතුරුව බස්නාහිර පලාතේ ප්‍රධාන අමාත්‍යවරයා වීමෙන් පසුව බලහත්කාරයෙන් ඉඩම් මංකොල්ල කෑමේ සිදුවීමකට සම්බන්ධවී චෝදනා ලැබ මේ වන විටත් එම නඩුව විභාග වෙමින් තිබෙි.මෙම ඉඩම් බලහත්කාරයෙන් ලබා ගැනීමට පැමිණලිකාර පාර්ශවයන්ට දුරකතනයෙන් කළ තර්ජනය අන්තර්ජාලයේ තවමත් තිබේ. ජේමිස් රජාගේ ලුම්පන් ජානගත ප්‍රසන්න රණතුංග පසුගිය කාලයේ සංචාරක ඇමතිවරයා විය. කටුනායක ගුවන් තොටුපොළ ටැක්සි රියදුරන්ගෙන් කප්පම් මුදල් අය කරමින් පාදඩ ජීවිතයක් ගෙන යන ප්‍රසන්න රණතුංග ඇවන්ගාඩ් සේනාධිපතිගේ සමීපතම මිත්‍රයෙකි.මිල්ටෙරි නන්දසේන අමාත්‍ය මණ්ඩලය අළුතෙන් පත් කරනවාය කියමින් සිදු කෙරුවේ සෙප්පඩ විජ්ජාවකි. මුළු රටම රාජපක්ෂවරු බලයෙන් පහ කළ යුතු යැයි පෙළපාලි විරෝධතා හා සාප කරද්දී රාජපක්ෂ සනුහරය තවමත් සිටින්නේ බලය රැක ගැනීම සදහා විවිධ අත්හදා බැලීම් කරමිනි. නව අමාත්‍ය මණ්ඩල සංශෝධනයද එවැනිම ආකාරයේ සටකපට ලෙස කොළය වසා ගැහිල්ලකි. මේ අමාත්‍ය මණ්ඩල සංශෝධනයේදී පවා පොලිස් ඇමතිකම රාජපක්ෂ බල ආධිපත්‍යයෙන් අත් හැර නැත. එහිදී ඇවන්ගාඩ් සේනාධිපතිගේ අත පෙවීමද මේ පොලිස් ඇමති පත්වීම් තුළින් තහවුරු කරගත හැකිය. බොහෝ අමාත්‍යංශවලට තරුණ දේශපාලඥයන් පත් කරද්දී පොලිස් අමාත්‍යංශයට ප්‍රසන්න රණතුංග වැනි අයෙකු පත් කර ගෙන ඇත්තේ නිකමට නොවේ. මින් ඉදිරියට පොලිස් අමාත්‍යංශය මෙහෙයවනු ඇත්තේ ඇවන්ගාඩ් සේනාධිපතිය. ප්‍රසන්න රණතුංග යනු ඇඟේ හයියෙන් ප්‍රශ්ණ විසදාගත හැකි යැයි සිතන ජාතියේ අයෙකි. ඇවන්ගාඩ් සේනාධිපති ප්‍රසන්න රණතුංගට නාස් ලණුව දමා පොලීසිය ජනතාවට එරෙහිව පාරට දැමීමට සැලසුම් කරනු ඇත. එහෙත් පොලිස් නිළධාරීන් මෙි ඩබලට ඕනෑ විදියට නටන රූකඩ නොවෙන බව නම් අපට විශ්වාසය. ම්ල්ටෙරි නන්දසේන හා රාජපක්ෂ සනුහරය තවමත් බලය පිළිබදව සිහින දකිමින් සිටී. ඇවන්ගාඩ් සේනාධිපති, ප්‍රසන්න රණතුංග, මහින්දානන්ද, ජොන්ස්ටන්, කෙහෙළිය හා රත්තරන් රෝහිත වැනි ගම් වඳුරන් කඩු ගෙන රාජපක්ෂ සනුහරය ආරක්ෂා කරන්නට උත්සාහ දරමින් සිටී. පොලිස් අමාත්‍යංශය තවදුරටත් තමා යටතේ තබා ගන්නට හිටපු පොලිස් ඇමති සරත් වීරසේකර බලවත් උත්සාහයක් දැරූ බවද අපට දැන ගැන්මට ලැබී තිබේ. අමාත්‍ය මණ්ඩල සංශෝධනය පිළිබඳව මිල්ටෙරි නන්දසේනගේ ප්‍රධානත්වයෙන් පැවැති සාකච්ඡාවේදී මහින්දානන්ද ඇමතිවරයා හිටපු පොලිස් ඇමතිවරයාට පහර දීමට පවා උත්සාහ කළ බව ජනමාධ්‍ය වාර්තා කර තිබුණි.රට තුළ දැන් අරාජික තත්වයක් නිර්මාණය වෙමින් පවතී. එවැනි වටපිටාවක ගම්පහ බූරු ජේමිස් රජාගේ මුණබුරා පොලිස් කෝලමට ඇඳ පොලීසීය කාබාසිනියා කරන බව නම් නිසැකය.
