ගාලු මුවදොර ජනඅරගලය අල කිරීමට මිල්ටෙරි නන්දසේන ඇතුළු රාජපක්ෂ සනුහරය එක එක ජාතියේ තුරුම්බු පිටියට දමමින් සිටී.නමුත් මොවුන් මෙතෙක් පිටියට දැමූ තුරුම්බු බාල්දුය.අවසානයේදී හමුදා මෙහෙයුමක් සැලසුම් කලද එයද අසාර්ථක විය. බලය ආරක්ෂා කර ගැනීම සඳහා රාජපක්ෂ සනුහරය දත කට කාගෙන දැඟලුවත් විරෝධතා දක්වන ජනතාවගේ ප්‍රකාශණයන් තුළින් අනාවරණය වන්නේ මොවුන් හා අතර මැදි සාමයක් නැති බවය. එහෙත් මිල්ටෙරි නන්දසේන බලය අත් නොහරින බව එම පාර්ශවයේ කියුම් කෙරුම් වලින් ඇඟවේ.විරෝධතා දක්වන ජනතාව ප්‍රකාශ කරන්නේ රජපක්ෂ හොරු අයුතු සහගත ලෙස උපයාගත් දේපොළ රාජ සන්තක කරන ලෙසය. කිසිම රාජපක්ෂවරයකු දේශපාලන බල කේන්ද්‍රය නියෝජනය නොකළ යුතු බවද ජනතාව දැඩි ලෙස ප්‍රකාශ කරති. එහෙත් රාජපක්ෂ හොරු සිටින්නේ නෑසූ කන්ය. හෙට අනිද්දා වන විට නව අමාත්‍ය මණ්ඩලයක් පත් කිරීමට ඔවුන් සැලසුමි කර සිටී. එම ඇමති මණ්ඩලයේ කිසිදු රාජපක්ෂවරයකුගේ නියෝජනයක් නැති බවද ආණ්ඩුව පාර්ශවයෙන් පවසා තිබෙි. සැබවින්ම තවමත් රාජපක්ෂ හොරු හිතා ගෙන සිටින්නේ ජනතාව අමු මෝඩයන් විදියටය. විසිවන ව්‍යවස්ථා සංශේධනයෙන් මෙරට ජනතා පරමාධිපත්‍යය ජනපති මිලිටෙරි නන්දසේන සාක්කුවට දමා ගත් බව දැන් ජනතාව දනී. මිල්ටෙරි නන්දසේන හා රාජපක්ෂහොරු බලය අතනොහැර පරණ පුරුද්දට ගේමක් ගසා ප්‍රශ්ණය ගොඩදා ගත හැකි බව සිතා සිටිතත් එය නමි මෙි සම්මයේ ගොඩ දා ගත නොහැකි තරමට බරපතල වී අවසානය.දැන් මිල්ටෙරි නන්දසේන හා රාජපක්ෂ සනුහරය තවත් තුරුම්බුවක් පිටියට දමන්නට සූදානම්ය. ඒ ගාලු මුවදොර සිටින ජනතාව එම භූමියෙන් ඉවත් කිරීමට අධිකරණ නියෝගයක් ගැනීමටය. එම ඉල්ලීම අළුත්කඩේ විනිසුරු තිලිණ ගමගේ වෙත ඉදිරිපත් කිරීමටද සැලසුම් කර තිබේ. යහපාලන ආණ්ඩුව කාලයේ ලියාපදිංචි නොකරන ලද අලි පැටවකු ලඟ තැබීම සම්බන්ධයෙන් චෝදනා ලැබූ මෙම විනිසුරුවරයා එම වරද සම්බන්ධයෙන් වැඩ තහනමකට ලක් ව සිටි අයෙකි.මිල්ටෙරි නන්දසේන බලයට පත් වීමෙන් පසුව නැවතත් සේවයට පැමිණි මොහු විනිශ්චය කරුවකු ලෙස සේවයට එක් වීමට පෙර දිනේශ් ගුණවර්ධන අමාත්‍යවරයා යටතේ පැවැති නාගරික සංවර්ධන අධිකාරියේ සභාපති වරයා විය. මහරගම නගර සභාවේ පොදු ජන පෙරමුන නියෝජනය කරන ප්‍රාදේශීය සභා මන්ත්‍රී සුලොා්චන ගමගේ මොහුගේ සොහොයුරාය. අන්ත දුෂිත විනිසුරුවරයකු වන තිලිණ ගමගේ රාජපක්ෂ ඔඩොක්කු කුක්කෙකි. මහරගම අලි රොෂාන් සමග අලි පැටවි ජාවාරමේ නිරත වූ අයෙකි. මේ තක්කඩි විනිසුරුවරයා සමහර විට ගාලු මුවදොර ප්‍රදේශයෙන් ජනතාව ඉවත්ව යා යුතු බවට නියෝග කරන්නට ඉඩ තිබෙි. ඒ සිය රාජපක්ෂ හාම්පුතුන් සතුටු කරන්නටය. එහෙත් එවැනි අධිකරණ තීන්දුවකට නම්මා ගත හැකි ජනතාවක් ඒ අරගල බිම නොසිටින බව අපි දනිමු. රාජපක්ෂ හොරු මෙි හදන්නේ වැඩේ තවත් කුරෝළු කරගන්ටය.ගාලු මුවදොර ඇත්තේ සාමකාමී උද්ඝෝෂණයකි. සාමකාමී උද්ඝෝෂණ සම්බන්ධයෙන් අමරතුංග එදිරිව සිරිමල් නඩුවේදී 1993 මාර්තු 8 වන දින තීන්දුව දුන් ශ්‍රේෂ්ඨාධිකරණ තීන්දුවෙිදී මාක් ප්‍රනාන්දු විනිසුරුවරයා පවසා ඇත්තේ නිත්‍යනුකූල විසම්මුතික අදහස් අද දවසේ කප්පාදු කිරීමෙන් අත්වන එකම ප්‍රතිඵලය වන්නේ හෙට දවසේදී මහා විපත්තිකර ලෙසින් ප්‍රචන්ඩ ක්‍රියාවන් දියත් විය හැකි බවය.මිල්ටෙරි නන්දසේනගේ ආණ්ඩුවට මාක් ප්‍රනාන්දු විනිසුරුතුමාගේ ඒ විනිශ්චය අපි නැවත සිහිපත් කරන්නට කැමැත්තෙමු.
