බේරුවල මග්ගොන ගාලු පාරේ ශාන්ත මරියා දේවස්ථානය ට අයත් දේව මාතා සුරුවමට සිදුකර ඇති කඩාකප්පල්කාරී ක්‍රියාව සම්බන්ධයෙන් පරීක්ෂණ සිදුකරන බව පොලිසිය පැවසීය.පාස්කු ප්‍රහාරයට වසර තුනක් ගතවන අද වැනි දිනක මෙවැනි කඩාකප්පල්කාරී ක්‍රියාවන් තරයේ ප්‍රතික්ෂේප කරන බව ශාන්ත මරියා දේවස්ථානයේ මිසම්ධර්ම සේවා සංගමයේ ලේකම් රොහාන් පැට්‍රික් පෙරේරා මහතා පැවසීය.16 වන දින අලුයම මෙම දේවස්ථානයේ දේව මෙහෙය අතරතුර ගාලු පාරේ දේවමාතා ස්වරු මේ ආරක්ෂිත වීදුරුව කිසියම් අයෙකු වක්‍රාකාරව කපා හානිකර පලා ගොස් ඇති සිද්ධිය සම්බන්ධයෙන් පයාගල පොලිසියට පැමිණිලි කර බවත් ඒ සම්බන්ධයෙන් මේ වන විට පරීක්ෂණ කටයුතු ආරම්භ කර තිබෙන බවත් මග්ගොන ශාන්ත මරියා දේවස්ථානයේ භාරකාර ලංකා දේශප්‍රිය පියතුමන් ගෙන් කළ විමසීමේ දී පැවසීය.මේ සිද්ධිය සම්බන්ධයෙන් පයාගලපොලිස් ස්ථානාධිපති අරුණ ශාන්ත රණවීර මහතා ඇතුළු පොලිස් කණ්ඩායමක් පරීක්ෂණ සිදුකරන බව කියයි.පාස්කු දින ප්‍රහාරය සිදු වීමටද පෙර යම් යම් ආගමික ප්‍රතිමා වලට මෙවැනිම ආකාරයේ ප්‍රහාර එල්ල වූ අතර ඒවා පිටුපස බුද්ධි අංශ නිලධාරීන්ගේ සම්බන්ධයක් ඇති බවට පසුව නිල නොලත් ආකාරයට වාර්තා විය. එබැවින් මෙම ප්‍රහාර පිටුපසද නිසැක වශයෙන්ම ගෝඨාගේ බුද්ධි අංශ නිලධාරීන් සිටිය යුතු බව අපගේ විශ්වාසයයි
